27/09/2026
...ditët e verës në Vlorën tashmë turistike nuk janë të ngarkuara vetëm me temperatura të larta të një dielli mesdhetar as jugor dhe as verior ,në një pozicion të shkëlqyer siç i thonë "vija e artë" nga ku burojnë shumë të mira të natyrës dhe që ne sot shohim vetëm atë që mbushin njerëzit me tingujt e muzikës mbrëmjeve, gjuhët e huaja që flasin njerëz nga vënde të tjera, aroma gatimesh dhe jo vetëm.......një pasdite ndërsa dilnim për shëtitjen e mbrëmjes aty te rruga pranë "klubit të sherifave" te blloku Kombinatit ose siç i thonë ndryshe "lagja e qorrave" një grup turistësh italianë shikonin me njëfarë ndrojtje dhe nuk po guxonin për të vazhduar më tej. Ndaluan dhe po flisnin me njëri tjetrin në kufijtë e kureshtjes dhe frikës për të hyrë në lagje.
Interesante këto pallatet me tulla të kuqe, u thashë unë.
Po, mu përgjigjën, po kemi frikë se mos rrezikojmë po të hyjmë në bllok.
Pa problem, u thashë, më shumë është si lagja "Cristiana" në Kopenhagë se sa "Quartieri Spagnoli" në Napoli po kjo është thjesht "lagja e qorrave" në Vlorë .
Gjithë kjo shkaktoi një atmosferë humori që shkriu akullin e pasigurisë dhe turistët italianë u futën në lagje.
Episode të tilla verore më vijnë në mëndje tani që Vlora hyn në ritmet e saj të zakonshme dhe në rrugë tashmë ndeshesh më shpesh me vlonjatët gjithë vjeçarë që unë që shkoj shpesh kuptoj edhe dallimet. Një veçanti është sepse vlonjatët tashmë vishen më ndryshe se dikur, kanë kapur veten jo më shumë në kuptimin ekonomik po në atë stilistik. Në Vlorë shikon ata që quhen "personazhe" për hir të silit të veshjes që i karakterizon. Jo se më parë nuk ka pasur po së fundmi ka edhe mundësi më tepër Vlora sot me një numër të madh dyqanesh "boutique" ku në koleksionet e tyre gjen një gamë të gjërë prodhimesh nga bota.
Pikërisht në një të tillë u ndodhëm edhe ne aty te blloku Kombinatit te ish trikotazhi i dikurshëm ku ndodhet një dyqan simpatik i mikes tonë Rita që nga vitet e fëmijërisë aty në lagje ose zj. Margarita Veizaj që mbylli karrierën e saj profesionale si mësuese dhe tani bashkë me bashkëshortin z. Esat edhe si piktor vazhdojnë të punojnë në biznesin e tyre. Nuk po zgjatem më tej dhe po i lë të tjerat në bisedën që patëm aty filmuar nga Eda.
