اقرأ سټوډيو

13/11/2025

په غږ یی عرش ولړزيده؛ دنیا خبره نه وه!
له درد او څړیکو جوړه څانده؛ وه سندره نه وه!

شاعر : مولوي انس حقاني
غږ : مولوی خاکسار کاپیساوال

01/09/2025

بسم الله الرحمن الرحیم

د زلزلې د قربانیانو په تړاو د اقرأ سټوډیو ادارې له لوري اعلامیه!

د اقرأ سټوډیو اداره کنړ، لغمان او ننګرهار ولایتونو کې د رامنځته شوې زلزلې له امله ټولو شریفو متدینو ولسونو ته د مالي او ځاني سترو زیانونو په تړاو د ژورې خواخوږۍ او ډاډګیرنې مراتب وړاندې کوي.

یاده رسنیزه اداره د دې ناوریني پېښې د شهیدانو کورنیو ته د زړه له کومې د تسلیت مراتب وړاندې کوي، ټپیانو ته د عاجلې روغتیا هیله لري او له لوی الله تعالی څخه د متضرر شویو کورنیو لپاره د صبر، اجر او ثواب غوښتنه کوي.

همدارنګه د هېواد پر شتمنو تجارانو، د خیر غوښتونکو شخصیتونو او د اسلامي امارت پر مسؤلینو غږ کوي، څو خپلې بشري او اسلامي ورورولي لمخې مرستې د زیانمنو شویو کورنیو سره ونه دروي او د خپلو ترسره شویو خدمتونو لړۍ لا غښتلې کړي.

د اقرأ سټوډیو اداره د هغو ټولو خیر ښېګڼو، مرستو او د اسلامي امارت د مسؤل چارواکو پر وخت د همکاريو ژوره قدرداني کوي چی تر دې دمه د اغېزمنو شویو خلکو په لاسنیوي کې د دوي له لوري ترسره شوي دي، او په کلکه باور لري چې د هېواد د میړنیو ولسونو یووالي او مرستې به د دې غمیزې د درملنې لامل شي.

په درنښت
د اقرأ سټوډيو اداره

03/08/2025

زړه رانه خفه دی او دځان خبرې نه کوي
نه پوهیږم ولې دارمان خبرې نه کوي

غږ : مولوی خاکسار کاپیساوال
شاعر : وحیدالله وحیدي

02/08/2025

28/07/2025

د فعاليت د پيل خبرتيا:
په پوره ویاړ سره زیری درکوو چې اقرأ سټوډیو خپل رسمي فعالیت د بيا ځلې لپاره د کابل ښار په یو ښکلی موقعيت کی پیل کړ!
اقرأ سټوډیو یوه توليدي او خصوصي اداره ده، چې په کال ۱۳۹۷ هـ ش کی تاسیس شوی د سمعي او بصري خدماتو تولید په برخه کې تخصص لري، یاده سټوډیو د معیاري تخنیکي وسایلو، عصري سافټویرونو او مسلکي ټیم په مټ، د غږ د ثبت، تنظیم، تدوین، او شفاف تولید ته ځان ژمن ګڼي.

اقرأ سټوډیو د اسلامي، ټولنیزو، تعلیمي او فرهنګي پیغامونو د خپرولو لپاره یو اغېزمنه اداره ده، هڅه کوو چې د خپلو امکاناتو په مرسته، د اصلي پیغامونو روښانه انعکاس وړاندې کړو.

که تاسې د صوتي ترانو، تعلیمي پیغامونو، مستنداتو، اعلانونو یا هر ډول سمعي او بصري خپرونو د تولید اړتیا لرئ اقرأ سټوډیو ستاسو غوره انتخاب دی، د اقرأ له لاری استعدادونو ته مو ارزښت ورکړئ.