Ayat almansour

Ayat almansour مدوّنة إلكترونية مهتمّة بالتصوير والطبخ
أقدم وصفات سهلة وصور ملهمة من يومياتي.
تابعوني لرحلة مليئة بالنكهات والإبداع!

إجى الصيف والشوب، وصار بدها تحلاية باردة تشرح القلب… مهلبية بالقشطة والمكسرات، خفيفة ولذيذة وتنعش بهالجو الحار. 😋🤍
08/06/2026

إجى الصيف والشوب، وصار بدها تحلاية باردة تشرح القلب… مهلبية بالقشطة والمكسرات، خفيفة ولذيذة وتنعش بهالجو الحار. 😋🤍

05/06/2026

محشي الكوسا باللبن من أطيب الأكلات وألذها، وبالنسبة إلي يتفوق على محشي الكوسا بدبس البندورة. 😋

أنتِ مع أي فريق؟ محشي الكوسا باللبن ولا بدبس البندورة؟ 👌🌿

31/05/2026

وقت يكون جاي عبالي شيخ المحشي وبدي شي أسهل وأسرع، بعمل شيخ المحشي الكذاب 😋

نفس الطعم اللذيذ تقريبًا، ونفس النكهة الغنية، لكن بدون تعب حفر الكوسا وحشوها. سهل وسريع وعملي، وبصراحة ما بيفرق كتير عن شيخ المحشي الأصلي. 👌💕

22/05/2026

* إذا بدكم أكلة مليانة نكهات وطعمها بجنن، لازم تجربوا المكسيكانو بالدجاج 😍🌮
* وصفة سهلة، سريعة، وبتشهي من أول ريحة ✨

* حضّرت تتبيلة الدجاج من ملح وفلفل وبابريكا وأوريغانو وبودرة الثوم وبودرة البصل، وضفت برش برتقالة وإذا متوفر ليمون بيكون ألذ 🍋 مع شوي من الزيت النباتي، وتركت الدجاج يتتبل بالبراد لليلة كاملة.

* وللخضار قطّعت فلفل ملون وبصل وجزر لشرايح رفيعة وفطر فريش 🫑🧅🥕🍄

* وللتحضير، بمقلاة على النار نزلت كمية من الزيت النباتي وقلّبت صدور الدجاج المقطعة لشرايح رفيعة والمتبّلة من قبل بيوم، ولما استوت رفعتها عن النار.

* وبطنجرة ثانية نزلت شوي زيت نباتي وقلّبت الخضار، وبعدها أضفت نفس التوابل اللي تبلت فيها الدجاج 🌮✨
* رجّعت الدجاج فوق الخضار وقلّبتهم مع بعض لحتى يتشربوا النكهات.

* وبكوب ضفت ماء مغلي مع مكعب دجاج ومعلقتين من معجون البندورة، وحرّكتهم منيح ونزلتهم فوق الدجاج والخضار، وتركتهم شوي لحتى يتسبكوا
* ولتحضير الرز، ضفت زيت نباتي مع بصل وفلفل ملون وحمستهم شوي، بعدها أضفت الرز المغسول وملح وقلّبت الكل مع بعض وغمرتهم بالمي وعلى نار هاديه حتى يصير جاهز وبس هيك

سندويشات الفاهيتا المفرومة… سهلة وسريعة وطيبه😋
16/05/2026

سندويشات الفاهيتا المفرومة… سهلة وسريعة وطيبه😋

16/05/2026

* حلى بارد ما بقي حدا ما سألني عنه وعن مكوناته 🥰

* وجتني كتير رسائل بدهم الطريقة، لهيك تركتلكم إياها بالتفصيل 🤍

* بالبداية بنحتاج:
* ليتر حليب، 4 معالق سكر، و4 معالق كاستر.
* بنحركهم على البارد منيح، وبعدها بنرفعهم على النار لحتى يتقل القوام.

* بس يجهز الكاستر بنسكبه بقلب البايركس، وفوقه مباشرة طبقة من البسكويت، ومنتركه يبرد شوي.

* بهالوقت منحضر الجلي، أنا استخدمت نكهتين:
* توت وفراولة 🍓
* أضفت كوب ماء مغلي ونصف كوب ماء بارد للظرفين، وهي الطريقة بتخلي القوام متماسك أكثر 👌
* حركتهم منيح وبعدها دخلتهم البراد لحتى يبردوا ويبلشوا يتماسكوا.

* للخطوة الثالثة منحضر الكريمة:
* كريمة شانتيه مع نصف كوب حليب بارد، ومنخفقهم لحتى يتضاعف حجم الكريمة وتصير هشة وخفيفة.

* بعد ما بردت كل الطبقات، بدأت أرتبهم فوق بعض ✨
* نزلت طبقة الجلي فوق الكاستر، وبعدها طبقة بسكويت، ورجعت دخلتهم البراد تقريباً 10 دقايق لحتى تتماسك الطبقات مع بعض.

* وأخيراً نزلت طبقة الكريمة، وحاولت يكون السطح ملس ومرتب، وزينتها بالفراولة 🍓

* وبس هيك صار الحلى جاهز… خفيف، بارد، وطعمه بيجنن

14/05/2026

حلا خفيف، صحي وسريع… وبتاكلوا منه بدون أي تأنيب ضمير 😅
بودينغ الشيا بالكاكاو🤎

المكونات:

* نص كوب شيا
* نص كوب شوفان مطحون
* ملعقة كبيرة كاكاو
* كوب حليب
* علبة قشطة
* عسل حسب الرغبة

بضيف المكونات مثل ما موضح بالفيديو، وبندخلهم البراد أقل شي 4 ساعات لحتى تتضاعف حبات الشيا وتتماسك المكونات 😍

وقت التقديم بنقلهم لأكواب صغيرة، وبنزينهم بالكاكاو… وبس هيك بيكون عنا أسرع وألذ تحلاية صحية

13/05/2026

* هل سبق وجربتوا فاهيتا اللحم المفرومة؟ 😍
* إذا لسا ما جربتوها فاتكم كتير!

* طريقة التحضير؛
* بمقلاة على النار حطّيت ملعقة سمنة، وبعدها أضفت 400 غرام من اللحم المفروم الناعم وقلّبتها لحتى تغيّر لونها.
* بعدها أضفت البهارات:
* ملعقة صغيرة فلفل، ملعقة صغيرة بابريكا، ملعقة صغيرة ملح، وربع ملعقة صغيرة من بودرة البصل وبودرة الثوم.

* قلّبتهم مع بعض، وبعدها أضفت بصل مقطع لمكعبات صغيرة وفلفل ملوّن مقطع شرائح، ورجعت قلّبتهم.
* ثم أضفت فطر فريش وذرة وكمان قلبتهم مع الخليط.

* وآخر إضافة كانت ملعقة صغيرة صويا صوص، عطتها نكهة كتير طيبة 😮‍💨

* بس استوت اللحمة، أضفت جبنة موزاريلا وغطّيتها لحتى ذابت الجبنة تماماً.
* وبالسندويش أضفت شوي مايونيز مع خليط اللحمة، وبعدها قطعة خس، وكبستها بالسخانة شوي.

* وبس هيك صارت جاهزة 🌮✨
* من أسهل وأطيب الأكلات اللي ممكن تجربوه

أحلى شي بهالجو؟ حلا بارد ولذيذ 🍓❤️
12/05/2026

أحلى شي بهالجو؟ حلا بارد ولذيذ 🍓❤️

11/05/2026

اللهم بلّغنا يوم عرفة، واجعل لنا فيه دعوة لا تُرد، واكتب لنا الوقوف على صعيد عرفات في العام القادم برحمتك يا كريم ❤️

Address

الامارات العربيه المتحده
Dubai

Website

Alerts

Be the first to know and let us send you an email when Ayat almansour posts news and promotions. Your email address will not be used for any other purpose, and you can unsubscribe at any time.

Shortcuts

Share

Category